Transcription
1
Monsieur, à loccasion des grandes eaues et des temps
2
estranges de ventz et de glaces qui ont esté ces jours passez,
3
plusieurs batteaulx, qui estoient en ceste ville prestz à descendre
4
sur le Rosne au pays dabas, nont peu se mettre seurement en
5
voyage, mesmement aucuns chargez des marchandises levées
6
ceste foyre passée appartenans à plusieurs marchans tant
7
de ceste ville que dudict pays dabas ; lesquelz, doubtans que pour
8
estre sur la fin du temps de suspencion darmes vous puissiez
9
faire quelque difficulté de les laisser passer, ilz mont requis
10
vous faire la presente à vous supplier affectueusement leur permettre
11
la descente et passage de leursdites marchandises, sasseurans de
12
si bien mener et pourveoir leurs batteaulx quilz passeront en
13
toute seureté ; et en cest endroict, je supplie le Createur, après
14
mes humbles recommandations à votre bonne grace, quil vous
15
doint,
16
monsieur, en parfaicte santé, heureuse et tres longue vye. De
17
Lyon, ce XIe fevrier 1574
18
Votre plus afeccionné à vous faire servise
19
Mandelot.